A  Wien HHStA, Belgien PA 23, fol. 262r–262v (Reinschr.); fol. 262r marg. Notiz: Ce 28. jour d’octobre 1540 à deux heures ou environ après mydy l’empereur a ordonné à moy Cornille Scepperus donner ceste responce de bouche au docteur, commis du lantgrave de Hessen.

B  koll. Wien HHStA, Belgien Rep. DD Abt. B, Abschriften Fasz. 58 (alte Abt. 83), Nr. 24 (Kop. des 18. Jhdt.).

Druck: Brandi, Aus den Kabinettsakten des Kaisers, Nr. IV, 3 und 4, S. 236–238.

Sur les propos que le docteur Sigebert1, commis du lantgrave, a tenu avec Scepperus semble que l’on pourra faire la responce que s’ensuyt:

Premiers quant à la commission principale dudit docteur, consistant en ce que ledit lantgrave désire obtenir la confirmation de certain traictié concernant l’advocatie de la cité de Wetzler et aultre privilège pour ériger une escolle générale ou université en la ville de Marpurgk, l’empereur à cause de son département ne y scauroit présentement entendre, mais estant arrivé en Allemaigne se fera informer de tout pour y ordonner ce que sera de raison, et a –cependant l’on pourra poursuyvre envers le seigneur de Grantvelles la dépesche sur lesdits deux poinctz–. Quant à Grégoire Einchoren, auquel le lantgrave désire, que bonne et briefve justice soit faicte, le procès est pendant par devant le conseil privé de sa Mté, auquel conseil sera commandé, le vouyder le plustost que bonnement faire se pourra.

Quant aux aultres propos concernants l’affection de bonne dévotion que ledit lantgrave dit avoir, d’estre recommandé à la bonne grâce de l’empereur, offrant en ce cas sa personne au service de sa Mté, lesquelz propos dit ledit commis avoir en charge de communicquer avec le seigneur de Grandtvelles, il est tout notoire et se treuve par expérience, que l’empereur n’a oncques donné occasion légitime de souspeçonner ne craindre, que contre les princes et potentatz de la chrestienté, quelz qu’ilz soient, sa Mté voulsist procéder par voie de fait ne user d’aulcune violence pour les envahir ne oppresser, comme aussi l’intention de sa Mté n’a jamais esté ne encoires est telle, ains s’est tousjours efforcé de mectre bonne paix et union partout, et signamment en la Germanie.

Et continuant en icelle bonne intention sa Mté a ordonné le seigneur de Grandtvelles de soy trouver à la communication de Wormes avec plain et absolu povoir de traicter en universel et particulier tout ce que sera trouvé estre expédient pour ladicte paix et union, tant avec ledit lantgrave que tous aultres princes. Parquoy, si ledit lantgrave persiste en ceste dévotion envers sa Mté et entend faire office de bon prince et subject de sa Mté impériale, comme icelle pense qu’il fera, et oultre ce est délibéré d’entrer en aulcune plus estroicte intelligence avec sadite Mté, il pourra sur ce faire communicquer avec ledit Srde Grandtvelles, devers lequel il trouvera responce convenable à ses offres. Et cependant sa Mté impériale approchera de plus près les pays d’Allemaigne et entretant fera advertir ledit seigneur de Grandtvelles de ce qu’est passé en cest endroitb.